Elbasy jetistikteri arqyly biz ony Ult Kóshbasshysy retinde moıyndaýǵa tıispiz - Májilis depýtaty S. Ferho
; Mamyrdyń 5-i. QazAqparat /Qanat Mámetqazyuly/ ‑Elbasy jetistikteri arqyly biz ony Ult Kóshbasshysy retinde moıyndaýǵa tıispiz.
Búgin QR Parlamenti Májilisiniń jalpy otyrysynda QR Prezıdentiniń mártebesin naqtylaýǵa qatysty zań jobasyna bastamashylyq jasaǵan depýtat Svetlana Ferho osylaı málim etti, dep habarlaıdy QazAqparat.
«Memleket basshysynyń tıimdi, sarabdal sheshimderiniń arqasynda Qazaqstan ekonomıkalyq jáne saıası daǵdarysty eńsere bildi, táýelsiz memleket retinde berik ornyqty. N. Nazarbaev óz memleketteriniń múddesi úshin naǵyz tarıhı sheshimder qabyldap, eliniń esinde máńgige saqtalǵan Djordj Vashıngton, Mustafa Kemal Atatúrk, Mahatma Gandı sekildi uly tulǵylarmen qatar atalýy tıis. Árıne, búgingi kúni Tuńǵysh Prezıdent mártebesi Konstıtýtsııamen jáne konstıtýtsııalyq zańnamalarmen anyqtalǵan. Degenmen, Prezıdenttiń jetistikteri arqyly ony Ult Kóshbasshysy retinde moıyndaýymyz kerek», dedi S. Ferho.
