Elbasy jeke stılısiniń joq ekenin aıtty
«Jaqynda Tuńǵysh Prezıdent kúninde meniń kıimime, jeke stılime qatysty bázbireýler ınternette talqyǵa salypty. Kostıým men galstýkty kim tańdap beredi eken dep áńgime órbitken. Eshkim tańdamaıdy. Stılıst te, kostıýmer de joq. Keıbir prezıdentter ózderimen birge olardyń barlyǵyn alyp júredi», - dedi Elbasy.
Sóz barysynda, Memleket Basshysy ózin «qarapaıym qara jumysshylardyń qatarynan» ekendigin de eske saldy. «Men sharýa otbasyda, eń qarapaıym jerden shyqtym. Men ózim qara kúrek, shoıyn súımen men qaıla ustaǵan metallýrg bolǵanymdy bilesizder. Meni tárbıelegen osy. Barlyǵyn ózim jasaımyn», - dep atap ótti N.Nazarbaev.
Sondaı-aq, Elbasy sońǵy ýaqytta sýret salyp júrgenin aıtty.
«Bıyl men jazda bir apta demaldym. Birde qarap otyrsam, balalar sýret salyp jatyr eken. Sosyn sýret salyp kóreıinshi dep oıladym. Buryn mektep kezinde sýret salatynmyn. Sóıtip, birde Saryaǵashqa barǵanda, sol jerdiń peızajyn saldym. Bir polotnony salyp shyǵýǵa 3-4 saǵat ketti», - dedi N.Nazarbaev. Osydan keıin Prezıdent jýrnalıstermen birge «Pesnıa o trevojnoı molodostı» atty komsomoldar áni men qazaqtyń halyq áni «Bir balany» shyrqady.