Elbasy: Jaýapty hatshylar memlekettik tildi meńgergen bolýy tıis

Bul týraly búgin Aqordada barlyq deńgeıdegi ákimderdiń qatysýymen ótip jatqan keńeıtilgen májiliste Elbasy Nursultan Nazarbaev málim etti.

«Jaýapty hatshylar óńirlerde jumys isteý tájirıbesine ıe ári memlekettik tildi meńgergen bolýy kerek. Sonymen qatar olar ózderi jumys isteıtin salany bilýleri qajet»,-dedi Memleket basshysy.

Sondaı-aq aýdan jáne qala ákimderiniń oblystyq, ortalyq memlekettik organdarda jumys ótili bolýy qajettigin basa aıtqan QR Prezıdenti: «Bizderde áli jarty jyl ýaqyt bar»,- dedi.

Sondaı-aq, óz sózinde mansap jolynda satylap kóterilý kerektigin birneshe márte eskertkenin basa aıtqan Elbasy: «Jańa ákim, jańa mınıstr kelip, barlyǵyn sapyrylystyryp ózgertedi. Sodan keıin jańa adamdar keledi. Erteń saılaý bolǵanda basqa basshy kelip, sodan keıin taǵy da ózgerister bolady. Dúnıejúzinde mundaı tártip joq. Apparat jumys isteýi kerek. Saılaý men saıasatpen shuǵyldanatyndar otyrýy qajet. Sonda ǵana turaqtylyq bolady»,-dedi.