Elbasy - jastarǵa jarqyn úlgi - Májilis depýtaty T.Berdońǵarov
ASTANA. Aqpannyń 23-i. QazAqparat /Muratbek Maqulbekov/ - Elbasy óz qyzmetin atqarýda jastarǵa úlgi bolyp otyr.
Bul týraly Májilis depýtaty Táńirbergen Berdońǵarov búgin Aqordada Prezıdent Nursultan Nazarbaevpen bolǵan kezdesýden keıin málim etti.
«Kezdesýde men, depýtattardyń óńirlerden ákelgen máselelerdiń aýqymdylyǵyna qaramastan, Elbasynyń kóp málimetter men kórsetkishterden habardar ekenine tań qaldym. Bul, jastar úshin, jumysty qalaı atqarý kerektiginiń jarqyn úlgisi», - dedi depýtat óz sózinde.
Onyń aıtýynsha, kezdesý barysynda Elbasy aǵymdaǵy jyly ashylatyn jańa Ýnıversıtetke aıryqsha nazar aýdardy. Ýnıversıtetke oqytýshylyq jumysqa álem elderinen úzdik ǵalymdar tartylady. Bul oqý ornynda Qazaqstan úshin joǵary bilikti mamandar ázirlenetin bolady.
