Elbasy jastardy otansúıgishtik pen ultshyldyqtyń ara jigin ajyrata bilýge shaqyrdy

«Patrıot» sózi - uly sóz. Eger adamzat tarıhyna qaraıtyn bolsaq, osy týdyń astynda ártúrli halyqtar óz jerin qorǵap, birge óldi. Otansúıgishtik - bul óz Otanyńa degen mahabbat. Degenmen otansúıgishtik pen ultshyldyq arasyndaǵy membrana óte názik. Keıbireýler egerde sen óz elińdi, óz halqyńdy qurmetteıtin bolsań, onda basqalarǵa esh ýaqytta qurmet kórsetpeýiń kerek, dep sanaıdy. Bul teris uǵym, mine osyny qaperde ustaý kerek», - dedi Elbasy.

Memleket basshysynyń atap ótýinshe, nemister Uly otan soǵysynda «Germanııa tek nemister úshin» jáne olardyń násilderi arıılik, al basqalary osy ulttyń quly bolýy kerek degen uranmen shyqty. Dál osy jaıt Germanııanyń ózin orǵa jyqty.

«Sol eldiń ózinde 9 mln. adam, búkil álem boıynsha 56 mln., al bárimiz ómir súrgen Keńes odaǵynda 26 mln. adam qaza tapty. «Sonyń bári ne úshin?» degen saýal týyndaıdy», - dep atap ótken Elbasy osy oraıda jastardy óz otanyn, halqyn, ultyn súıýge shaqyrdy.