Elbasy jastardy aýyl sharýashylyǵyna úles qosýǵa shaqyrdy
ASTANA. QazAqparat - Memleket basshysy Nursultan Nazarbaev jastardy aýyl sharýashylyǵy salasyndaǵy ǵylymdy damytýǵa shaqyrdy, dep habarlaıdy QazAqparat.
"Jeti jyl buryn "Dıplommen aýylǵa" baǵdarlamasyna bastamashylyq etken bolatynmyn. Kóbisi aýyldan qalaǵa qonystana bastaǵan kezeń bolǵan edi, árıne, barsha álemde bundaı jaǵdaı bar. ıAǵnı úlken qalalar qalyptasady, alyp shaharlar adamdardy qyzyqtyrady, ózine tartady. Alaıda, jerimiz baı bizdiń jaǵdaıda Qazaqstan barsha álem úshin organıkalyq taza ónimniń óndirýshisi bola alady. Jerdegi turǵyndar sany artyp keledi, qazir jeti mıllıard, al aldaǵy ýaqytta 9-10 mıllıard adamǵa jetedi. Agrarlyq keshenge, azyq-túlikke qajettelik 30-40 paıyzǵa arta túsedi. Atap aıtqanda, aýyl sharýashylyǵy árdaıym suranysqa ıe bolady", - dep toqtaldy Elbasy Táýelsizdik saraıynda Respýblıkalyq jastar forýmynda.
Bul turǵyda Prezıdent Qazaqstandaǵy aýyl sharýashylyǵynda ǵylymdy damytyp, qarqyndy engizgen jaǵdaıda osy baǵyttyń bolashaǵy orasan zor ekenin atap ótti.
"Sondyqtan da "Dıplommen aýylǵa" baǵytynda meniń uranym boıynsha 48 myń jas maman bardy. Olarǵa kóterme aqy tólendi. Jobanyń 20 myńǵa jýyq qatysýshysy nesıeler alyp, baspanaly boldy jáne qazirgi kezde aýylda qyzmetin jalǵastyrýda", - dedi N. Nazarbaev.
Aýyldyq jerlerde halqymyzdyń aýqymdy bóligi turyp jatqanyna toqtalǵan Elbasy, osy oraıda aýyldaǵy jastarǵa duǵaı sálem joldap, jaqsylyq pen bereke tiledi.
