Elbasy Jarlyǵynan keıin 819 adam Qazaqstan azamattyǵyn alady (FOTO)

ASTANA. QazAqparat - Búgin Aqordada Memlekettik hatshysy Gúlshara Ábdiqalyqovanyń tóraǵalyǵymen QR Prezıdenti janyndaǵy Azamattyq máseleler jónindegi komıssııanyń kezekti otyrysy ótti.

«Ózderińiz de bilesizder, elimizdiń Táýelsizdik jyldary ishinde Qazaqstan azamattyǵyn alýǵa berilgen ótinishter sany artyp keledi. Biz ondaı kisilerge jaǵdaı jasaýymyz kerek. Jalpy, Táýelsizdiktiń 25 jyldyǵy ishinde bizge 965 myń adam kelip, azamattyq aldy», - dedi otyrysty ashqan Memlekettik hatshy.

Onyń paıymynsha, munyń barlyǵy da Elbasy Nursultan Nazarbaevtyń basshylyǵymen qol jetkizilgen elimizdiń tabystaryn moıyndaýdyń aıqyn dáleli bolyp sanalady.

«Sondyqtan biz Qazaqstannyń jańa azamattaryn qarsy alýǵa qýanyshtymyz jáne olar laıyqty azamattar bolyp, Táýelsiz Qazaqstannyń odan ary damýyna óz úlesterin qosatynyna senemiz», - dedi G.Ábdiqalyqova.

Sonymen jıyn barysynda Qazaqstan azamattyǵyn alý jáne odan shyǵý máseleleri qaraldy. Nátıjesinde, Memleket basshysy tıisti Jarlyqqa qol qoıǵannan soń alys jáne taıaý shet elderden kelgen túrli ulttyń 819 ókili Qazaqstan azamaty atanatyn bolady.

Komıssııa otyrysynyń qorytyndysy boıynsha tıisti sheshimder men usynymdar qabyldandy.