Elbasy jarııalaǵan Jastar jyly eńbekpen aınalysýǵa jańa serpin beredi - Nyǵmatýlın

ASTANA. QazAqparat - Májilis tóraǵasy Nurlan Nyǵmatýlınniń  Pavlodar jastarymen kezdesýinde negizgi áńgime arqaýy Elbasy Joldaýynan týyndaıtyn mindetterdi júzege asyrý jaıynda boldy, dep habarlaıdy QazAqparat.

Pavlodarǵa jumys sapary barysynda Májilis tóraǵasy «Jastar bastamalaryn damytý ortalyǵyndaǵy» jastarmen kezdesti. 

Ortalyq bes jyldyń ishinde kóptegen shyǵarmashylyq ıdeıalar men jańa jobalardy júzege asyrdy. Sonymen birge, ortalyqtan jumyspen qamtý, quqyqtyq jáne psıhologııalyq qoldaý kórsetý, sondaı-aq memlekettik turǵyn úı baǵdarlamalary men jastar kásipkerligi týraly aqparattar alýǵa bolady.

 Bolashaq ekonomıkasynyń jańa tehnologııalary, shaǵyn jáne orta bıznestiń damýy, jastarǵa áleýmettik qoldaý kórsetý - Joldaýda kórsetilgen osy baǵyttardyń barlyǵy jas býynǵa jaqyn jáne túsinikti. Sondyqtan olarǵa jańa qadamdar jasaýǵa múmkindik beredi.

Májilis tóraǵasy jastarmen kezdesýde Elbasymyz Nursultan Nazarbaev árqashanda jastar máselesine erekshe nazar aýdaryp kele jatqanyn aıtty.

Palata spıkeri Elbasynyń Joldaýyndaǵy basymdyqtarǵa toqtalyp, bul jastardy jáne otbasy ınstıtýtyn jan-jaqty qoldaýǵa baǵyttalǵanyn atap ótti, sondaı-aq 2019 jyldyń «Jastar jyly» dep jarııalanǵanyna basa kóńil bóldi.

«Kelesi jyl Sizder úshin este qalatyn, mańyzdy, maǵynaly jáne qyzyqty oqıǵalarǵa toly bolatyny sózsiz. Onyń barlyǵy jastardyń qoǵamdaǵy rólin arttyrýǵa, áleýmettik jaǵdaıyn kóterýge, tıimdi eńbekpen aınalysýǵa jańa serpin   beretin bolady» - dedi óz sózinde N. Nyǵmatýlın.

Elbasymyzdyń jańa tehnologııalarǵa, ınnovatsııaǵa jáne avtomattandyrýǵa zor mán bergenin aıtqan  Palata spıkeri osy jolda jastardyń shyǵarmashyl ıdeıalary barlyq reformalardy tıimdi júzege asyrý úshin óte qajet ekenine toqtaldy.

 Kezdesý barysynda Nurlan Nyǵmatýlın jastardyń suraqtaryna jaýap bere kelip, Memleket basshysy qoıǵan aýqymdy mindetterdi júzege asyrý úshin barlyq jastardyń belsene qatysýy kerektigine erekshe atap aıtty.