Elbasy jańadan salynyp jatqan opera jáne balet teatrynda Qala kúniniń saltanatty jınalysyn ótkizetinin málimdedi
ASTANA. 11 sáýir. QazAqparat - Búgin elordada Astanany odan ári damytý máselelerine arnalǵan jıyn barysynda Memleket basshysy Nursultan Nazarbaev jańadan salynyp jatqan opera jáne balet teatrynda Qala kúniniń saltanatty jınalysyn ótkizýge nıetti ekendigin málimdedi.
Esterińizge sala keteıik, atalǵan nysandar qoldanysqa beriletin ýaqytynan birshama qalyp kele jatqan bolatyn. «Biz sizderdiń barlyq problemalaryńyzdy sheship berdik. Sondyqtan da, men teatrdyń basty zalynda Qala kúnine arnalǵan saltanatty otyrys ótkizgim keledi. Ne aıtasyń?», - dedi N. Nazarbaev qurylys salýshy kompanııa basshysyna qaratyp.
Óz kezeginde kompanııa basshysy qazirgi ýaqytta qurylys qarqyndy ekenin, alaıda birshama máseleler bar ekendigin aıtty. «Árıne, ekinshi bóligi tym qıyndaý ekenin bilemin. Men bunda zal týraly aıtyp otyrmyn. Tehnologııalyq jaǵynan qıyndaý bolýy múmkin, degenmen qoldan kelgenshe kómek jasaımyz», - dedi Elbasy. Sonymen qatar, Prezıdent ulttyq murajaıdyń qurylys qarqynyna da nazar aýdardy.
