Elbasy zeınetaqy máselesine baılanysty naqty jaýap berdi - ardager pikiri
sp;ORAL. Qarashanyń 13-i. QazAqparat /Ǵaısaǵalı Eraly/ - Elbasy Nursultan Nazarbaev elmen tikeleı tildesý barysynda zeınetaqy máselesine baılanysty da naqty jaýap berdi. Bul týraly Oral qalasynda turatyn eńbek ardageri Ǵılaj Naýrzın málim etti,
dep habarlaıdy QazAqparat tilshisi.
Onyń aıtýynsha, Prezıdent zeınetaqynyń aldaǵy jyldyń basynan 25 paıyzǵa ósetinin, munyń odan keıin de jalǵasatynyn atap aıtty. ıAǵnı bul turǵyda memleket óz ýádesin oryndaı bermek. Sonymen birge Elbasy eger múmkindik tabylsa, bıýdjet qyzmetkerleriniń jalaqysyn ósirýdi de kelesi jyldyń shildesinen emes, odan burynyraq qarastyrýǵa bolatynyn jetkizdi. Munyń bári - memleket tarapynan jasalyp otyrǵan úlken qamqorlyq. Elbasy atap ótkenindeı, Lıtva syndy elder zeınetaqyǵa deıin qysqartyp jatqanda, Qazaqstanda osyndaı jaǵdaıdyń saqtalýy - ekonomıkany turaqtandyrý baǵytynda daǵdarysqa qarsy sharalardyń oıdaǵydaı júzege asyrylyp otyrǵanynyń dáleli. Eń bastysy, el birligi, ult tutastyǵy saqtalsa, bárine de qol jetkizýge bolady.
