Elbasy úılerin dóńgelek rezeńkelerimen jylytatyndarǵa aıyppul salýdy tapsyrdy
«Kelesi másele: Astana - jasyl qala. Bul bizdiń bárimizdiń jumysymyz. Astana ekologııalyq turǵyda taza qala bolýy kerek. Otynnyń sapasy baqylanýy tıis. Talapty kúsheıtken jón. Jeke turǵyn úılerde shınalardy otyn qylyp jaǵady. Odan qap-qara tútin shyǵady. Eshkim qarap otyrǵan joq. Aıyppul salmaıdy. Sondyqtan, qalaǵa kelip jatqan janarmaıdyń sapasyn baqylaýda Energetıka mınıstrligi kómektesýi kerek. Buny naqty (shınalardy otyn etkender úshin - avt.) anyqtap, aıyppul salynýy tıis», - dedi Nazarbaev Elordany odan ári damytý máseleleri jónindegi májiliste.
Memleket basshysynyń nazarynan gazdandyrý máselesi de tys qalǵan joq.
«Álbette, Astanany gazdandyrý boıynsha bárimiz jumys istep jatyrmyz. Avtobýstardy gazǵa aýystyryp jatyrsyzdar. Meniń oıymsha, ary ketkende eki jyldyń ishinde qalaǵa gaz ákelemiz degen oıdamyz. Bul jumysqa daıyn bolýymyz kerek. Gaz qubyrynyń magıstrali keletini keledi ǵoı, biraq halyqqa qalaı taratamyz? Osyny eskerý kerek», - dedi ol.
