Elbasy usynǵan sharalar Qazaqstannyń halyqaralyq bıznes-qaýymdastyqpen ekonomıkalyq yntymaqtastyǵyn nyǵaıtady - UKP
«Qurmetti Nursultan Ábishuly!
Biz, Qazaqstan bıznesiniń ókilderi, Sizdi resmı túrde qyzmetke kiriskenińizben quttyqtaımyz!
Ulyqtaý rásiminde Siz 5 ınstıtýtsıonaldyq reformany memlekettik saıasat aldynda turǵan basty mindetter retinde atap óttińiz. Biz siz usynǵan 5 ınstıtýtsıonaldyq reformany oryndy usynylǵanyn atap ótkimiz keledi. Olardyń barlyǵy eldiń ary qaraı damýyna, alǵa qoıylǵan mindetterdi oryndaý úshin qoǵamdy biriktirýge baǵyttalǵan.
Memlekettik apparatty jetildirý boıynsha sharalar onyń tıimdiligi men jemqorlyqqa qarsy kúresin nyǵaıtýǵa sep bolady. Munyń barlyǵy bıznestiń ary qaraı damýyna, ınvestıtsııalardy tartý men Qazaqstannyń halyqaralyq bıznes-qaýymdastyǵymen ekonomıkalyq yntymaqtastyǵyn nyǵaıtýǵa oń áserin tıgizedi.
Memleket otandyq taýar óndirýshilerge qoldaý kórsetip keledi. Qazaqstandyq taýarlardyń básekege qabilettiligi kúsheıip, taýarymyzdyń syrtqy naryqqa shyǵýyna jol ashylyp jatyr.
Usynylǵan ınstıtýtsıonaldyq reformalar aýyl sharýashylyǵynyń damýyna da paıdasyn tıgizedi. Qazaqstandyq aýyl sharýashylyq taýaryn óndirýshiler azamattarymyzdy otandyq un, sút jáne et ónimderimen qamtamasyz etedi.
Qazaqstan halqy birliginiń kúsheıýi, áleýmettik salanyń jetilýi, quqyqtyq tártiptiń nyǵaıýy men ekonomıkalyq sala men bıznestiń órleýine jaǵdaı jasaý - bul Qazaqstannyń ekonomıkalyq ósiminiń, ekonomıkalyq áleýetiniń kúsheıýiniń, básekege qabilettiliktiń artýy men elimizdiń eksporttyq áleýetiniń artýynyń negizgi faktorlary.
Alǵa qoıylǵan mindetterdi oryndaý elimizdiń damýyna serpin berip, ony barlyq baǵyttar boıynsha alǵa shyǵarady», delingen quttyqtaý hatynda.