Elbasy usynǵan kandıdat eldegi saıası baǵyttyń sabaqtastyǵy - Erlan Sydyqov

NUR-SULTAN. QazAqparat - Elbasy usynǵan QR Prezıdenttigine kandıdat eldegi saıası baǵyttyń sabaqtastyǵy. Mundaı pikirdi BAQ ókilderine Nur Otan partııasynyń kezekten tys HІH sezinen keıin L.Gýmılev atyndaǵy Eýrazııa ulttyq ýnıversıtetiniń rektory Erlan Sydyqov bildirdi, dep habarlaıdy QazAqparat tilshisi.

«Búgin biz elimizdiń damý tarıhyndaǵy erekshe sátke kýá boldyq. Nur Otan partııasynyń, halyqtyń, bıliktiń partııasynyń kezekten tys sezi tarıhı sheshim qabyldap, Elbasy Nursultan Ábishuly kezekten tys prezıdenttik saılaýǵa túsetin kandıdatty usyndy. Ol kezdeısoq adam emes. Qasym-Jomart Kemeluly 30 jyl boıy Tuńǵysh Prezıdentimizben qatar, úzeńgiles júrgen, tárbıesin kórgen, Nazarbaev saıası mektebiniń shákirti dep aıtar edim», - dedi dedi ol.

Sonymen qatar Erlan Sydyqov halyqtyń aldynda úlken bedelge ıe bolyp otyrǵan bılik partııasy, Elbasy usynǵan kandıdat azamattarymyzdyń júreginen jol tabatyndyǵyna senimdi ekendigin basa aıtty.

«Elbasy usynǵan kandıdat - eldegi saıası baǵyttyń sabaqtastyǵy. Elimizdiń aldyna qoıylǵan strategııalyq maqsattardyń barlyǵyna jetetin joldyń bireý ekendigi anyq jáne oǵan tez arada jetetindigimizge Qasym-Jomart Kemeluly kepil bolyp sanalady. Eń bastysy bizge halyqtyń, eldiń tynyshtyǵy kerek», - dedi ýnıversıtet basshysy.

Aıta keteıik, búgin QR Tuńǵysh Prezıdenti - Elbasy, Nur Otan partııasynyń Tóraǵasy Nursultan Nazarbaevtyń tóraǵalyǵymen partııanyń kezekten tys HІH sezi ótip, onda 2019 jyldyń 9 maýsymǵa taǵaıyndalǵan kezekten tys prezıdenttik saılaýǵa kandıdat retinde Qasym-Jomart Toqaev bekidi.

Foto: www.enu.kz