Elbasy usynǵan ár reforma qazaqstandyq qoǵamnyń damýyna baǵyttalǵan - Aýǵan soǵysynyń ardagerleri qaýymdastyǵy
ASTANA. QazAqparat - Aýǵan soǵysy ardagerleri uıymdarynyń «Qazaqstan ardagerleri» qaýymdastyǵy Memleket basshysy Nursultan Nazarbaevtyń Qazaqstan Respýblıkasy Prezıdentiniń qyzmetine resmı túrde kirisýimen quttyqtady.
"Asa qurmetti Nursultan Ábishuly!
Aýǵan soǵysynyń ardagerleri qaýymdastyǵy atynan Qazaqstan Respýblıkasynyń Prezıdenti qyzmetine resmı túrde kirisýińizben quttyqtaýdy qabyl alyńyz! Siz ulyqtaý rásimindegi sóılegen sózińizde elimizdiń bolashaqta damý baǵyttaryn aıqyndadyńyz. Siz usynǵan qazaqstandyq memlekettiliktiń ary qaraı damýyna baǵyttalǵan ınstıtýtsıonaldyq reformalar ómirimizdegi barlyq salany qamtıdy. Biz ómirlik tájirıbemiz boıynsha beıbitshilik pen tynyshtyqtyń baǵasyn biletin adamdar retinde qazaqstandyq áskerdiń jańǵyrtylýynyń mańyzyn jaqsy túsinemiz. Patrıotızmniń joǵary rýhy, qarýly kúshterdiń Otandy qorǵaýǵa daıyndyǵy elimizdegi turaqtylyqty nyǵaıtyp, áleýmettik-ekonomıkalyq damýdaǵy basym baǵyttardy júzege asyrýǵa kómektesedi.
Ekonomıkalyq ósimge zańnyń ulyqtylyǵyna baǵyttalǵan reforma da septese alady.
Quqyq qorǵaý organdary qyzmetiniń jańǵyrtylýy, sonyń ishinde ashyqtyqty qamtamasyz etý, aqparattyq tehnologııalardyń artýy, patrýldik qyzmetterdi beınetirkeýshilermen qamtý, sonymen qatar polıtsııa qataryna qabyldaý kezinde jańa kásibı jáne psıhologııalyq júıeni paıdalanýdy engizý barlyq halyqaralyq talaptarǵa jaýap beretin polıtseılerdiń joǵary kásibı korpýsyn qurýǵa yqpaldasady.
Siz usynǵan ár reformanyń beıbitshilik pen kelisimge jáne qazaqstandyq qoǵamnyń damýyna baǵyttalýy asa mańyzdy", delingen quttyqtaýda.
