Elbasy usynǵan 5 ınstıtýtsıonaldyq reforma qazaqstandyqtardy biriktiredi - Tutynýshylar ulttyq lıgasy
ASTANA. QazAqparat - Elbasy usynǵan 5 ınstıtýtsıonaldyq reforma qazaqstandyqtardy biriktiredi, degen pikir bildirdi Qazaqstan tutynýshylar ulttyq lıgasy Elbasy N. Nazarbaevty prezıdenttik saılaýdaǵy jeńisimen quttyqtaı otyryp.
«Asa qurmetti Nursultan Ábishuly!
Ulyqtaý rásimimen jáne Qazaqstan Respýblıkasynyń Prezıdentiniń qyzmetine resmı túrde kiriskenińizben shyn júrekten aıtylǵan quttyqtaýlarymyzdy qabyl alyńyz!
Qazaqstan tutynýshylarynyń ulttyq lıgasy ulyqtaý rásimindegi Sizdiń usynǵan bastamalaryńyz oryndy ári ózekti dep sanaıdy.
Siz usynǵan ınstıtýtsıonaldyq reformalar - jahandyq qubylystarǵa bergen qazaqstandyq jaýap.
Іs-áreketter josparyn júzege asyrý memleketimizdiń ary qaraı damýyna jol ashady.
Jemqorlyqsyz tıimdi avtonomdy memlekettik apparat qurý memlekettik saıasatty jetildiredi dep sanaımyz.
Usynylǵan ındýstrııalandyrý jáne ekonomıkalyq ósim boıynsha reforma memlekettik damýy men orta taptyń qurylýyndaǵy mańyzdy faktor bolady.
Óńdeý ónerkásibiniń damýy salasyndaǵy reformalar Qazaqstannyń ekonomıkalyq jáne ekporttyq áleýetiniń artýyna septesedi.
Ekonomıkany ártaraptandyrý negizindegi ındýstrıalızatsııa, agrarly sektorda shaǵyn jáne orta bıznesti alǵa jyljytý azamattardyń jáne aýyl turǵyndarynyń áleýmettik-ekonomıkalyq jaǵdaıyn jaqsartady.
Zańnyń ulyqtylyǵy men menshik quqyǵyn qorǵaýǵa qatysty reforma jemqorlyqqa qarsy kúres pen júıe jumysynyń ashyqtyǵyna baǵyttalǵan.
Bul kásipkerlik qyzmetke jaqsy jaǵdaılar jasaıdy, óıtkeni sheteldik jáne otandyq ınvestorlar qazaqstandyq sottyń ádildigine senimdi bolady.
Siz usynǵan bes ınstıtýtsıonaldyq reforma qazaqstandyqtardy biriktiredi dep oılaımyz», - dep jazylǵan quttyqtaýda.
