Elbasy ustaz bedelin arttyrý máselesin udaıy kóterip keledi - muǵalim

  ALMATY. QazAqparat - Memleket basshysynyń ár Joldaýynda ustazdarǵa qatysty mańyzdy máseleler sóz bolady. Bul usynystardyń barlyǵy muǵalim bedelin arttyrýǵa baǵyttalǵan. Osyndaı oıymen Almatydaǵy Muqaǵalı Maqataev atyndaǵy № 140 mektep-gımnazııasy qazaq tili men ádebıeti pániniń muǵalimi Sapýra Temýrbaeva bólisti.

Ustaz Elbasynyń Joldaýyn úlken tebirenispen tyńdaǵanyn jetkizdi.

«Elbasynyń búgingi Joldaýynda ózekti máseleler aıtyldy.  Ásirese, pedagogtardyń biliktiligin arttyrýǵa qatysty kózqarasty ózgertý jaıynda sóz qozǵaldy. Elbasy Qazaqstannyń bolashaǵy qazaq, orys, aǵylshyn tilderin erkin meńgergen jastarda ekenin atap ótti. Bul isti qazir QR BǴM jaqsy júzege asyryp jatyr. Mektepterde orys, qazaq, aǵylshyn tilderin oqytý máselesi qolǵa alyndy. Nátıjesi oıdaǵydaı bolady degen úmittemiz. Jalpy, termınderdi qazaq tiline aýdarý máselesinde de halyqaralyq zańdylyqtardy  eskerý kerektigi aıtyldy», - deıdi S.Temýrbaeva.

Onyń aıtýynsha, bilim salasyna Elbasy tarapynan barlyq jaǵdaı jasalyp otyr. 

Aıta ketý kerek, Prezıdent Nursultan Nazarbaev Aqordada Qazaqstan halqyna Joldaýyn jarııa etti.

Strategııalyq qujat elimizdiń áleýmettik-ekonomıkalyq damýynyń ózekti máselelerine jáne qazaqstandyqtardyń ál-aýqatyn odan ári arttyrý mindetterine arnalǵan.