Elbasy Úndeýin bıliktiń bir ortalyqtan basqarylýyn demokratııalandyrý dep túsiný qajet - Dáýlet Baıdildınov
«Elbasy usynǵan Úndeýdegi konstıtýtsııalyq reformany tar aýqymda talqylaýǵa bolmaıdy. Prezıdentiniń bılik tarmaqtary arasynda ókilettikterdi qaıta bólý máseleleri dep qana qarastyrmaý kerek. Menińshe, muny memlekettik bıliktiń bir ortalyqtan basqarylýyn demokratııalandyrý dep qaraý qajet. Bul tek Prezıdentke qatysty emes, Prezıdent bul jerde úlgi kórsetip otyr. Ol óziniń birqatar ókiletin Parlamentke, Úkimetke beredi. Demek, endi Parlament pen Úkimet ókilettikteriniń bir bóligin mınıstrlikter pen vedomstvolarǵa, olar óz kezeginde sharýashylyq etýshi sýbektige, (óndirister, ýnıversıtetter) berýi tıis. Bul ár bólimniń jaýapkershilikti ózine alýyna áser etedi. ıAǵnı, parlamentke saılaýdyń jańa tártibi bolady degen sóz. Ókilettilikterdi bólip berý partııalar arasyndaǵy saıası kúresti kúsheıtedi. Úkimetke salmaqty ókilettilikter berilse, Úkimet memlekettik baǵdarlamalardy júzege asyrý isine burynnan da jaýapty bolady», - dedi zań ǵylymdarynyń doktory, QazUÝ professory Dáýlet Baıdildınov.
Semınarǵa qatysqan Konstıtýtsııalyq keńestiń múshesi Amanjol Nurmaǵambetov zań salasynyń ǵalymdary usynǵan usynystar jumys komıssııasyna beriletindigin jetkizdi.
«Jınalǵan ǵalymdar QR Prezıdentiniń bılik tarmaqtary arasynda ókilettikterdi qaıta bólý máseleleri jónindegi Úndeýine qatysty óz oı pikirlerin aıtty. Onyń ishinde, QR Konstıtýtsııasyna ózgerister engýzýge qatysty usynystar aıtyldy. Ásirese, 26-bapqa qatysty másele qyzý talqylandy. Osy talqyladaǵy usynystar jumys komıssııasyna beriledi. Olar qarap, qorytyndy qujatty Prezıdentke beredi», - dedi QR Konstıtýtsııalyq keńesiniń múshesi, zań ǵylymdarynyń doktory Amanjol Nurmaǵambetov.
Aıta keteıik, búgin Ál-Farabı atyndaǵy Qazaq ulttyq ýnıversıteti «Qazaqstan Respýblıkasy Prezıdentiniń bılik tarmaqtary arasynda ókilettikterdi qaıta bólý máseleleri jónindegi úndeýi» taqyrybynda halyqaralyq ǵylymı-tájirıbelik semınar ótip, Qazaqstanda konstıtýtsııalyq reformalardy daıyndaýdyń, zańdyq rásimdeý men júzege asyrýdyń dúnıetanymdyq negizderi jáne mádenı-qundy baǵyttary syndy taqyryptar boıynsha baıandamalar tyńdaldy.
Semınar jumysyna memlekettik organdardyń, QR Konstıtýtsııalyq Keńesiniń ókilderiniń, Qazaqstannyń iri zańger-ǵalymdarynyń, saıası partııalar men qoǵamdyq uıymdardyń ókilderi qatysty.
