Elbasy Ulttyq lotereıany damytý júıesiniń jańa tıimdi modelin qurýdy usyndy
ASTANA. 10 shilde. QazAqparat - Ulttyq lotereıany damytý júıesiniń jańa tıimdi modelin qurý qajet. Bul týraly Elbasy Nursultan Nazarbaevtyń Qazaqstannyń áleýmettik jańǵyrtylýy jónindegi 16-shy tapsyrmasynda aıtylǵan.
Búginde Ulttyq lotereıany damytý júıesiniń jańa tıimdi modelin usyný qajettigin basa aıtqan Memleket basshysy: «Sport jáne dene shynyqtyrý isteri agenttigi Ulttyq lotereıany damytý júıesiniń jańa tıimdi modelin usynsyn. Qazaqstandyq komandalardyń shet elder chempıonattarynyń joǵary lıgalaryna (sporttyń ár túri boıynsha) qatysýyn ulǵaıtý jóninen usynys engizsin», - dedi.
Sonymen qatar Elbasy osy agenttikke Mádenıet jáne aqparat mınıstrligimen birlesip mamandandyrylǵan sporttyq teledıdar arnasyn qurý jóninde usynys engizýdi júktedi.
«Sport jáne dene shynyqtyrý isteri agenttigi Bilim jáne ǵylym mınıstrligimen birlesip Almatyda ótetin qysqy Ýnıversıada-2017 qarsańynda stýdenttik jáne balalar men jasóspirimder sportyn damytý jáne stýdentter men jasóspirimder klýbyn qurý jóninde usynys engizsin», - dedi QR Prezıdenti.
