Elbasy «Ulttyq ǵylymı medıtsınalyq ortalyqtyń» basshysyn qabyldady

ASTANA. QazAqparat - Qazaqstan Respýblıkasynyń Prezıdenti Nursultan Nazarbaev «Ulttyq ǵylymı medıtsınalyq ortalyq» aktsıonerlik qoǵamy basqarmasynyń tóraǵasy Abaı Baıgenjındi qabyldady, dep habarlaıdy QazAqparat Aqordanyń baspasóz qyzmetine silteme jasap.

Kezdesýde Abaı Baıgenjın Qazaqstan Prezıdentine medıtsınalyq ortalyq qyzmetiniń negizgi nátıjeleri jóninde baıandady.

- 2003 jyldan beri kardıologııalyq aýrýlardan bolatyn adam óliminiń sany úsh eseden artyq qysqardy. Deı turǵanmen, elimizde onkologııalyq aýrýlarǵa qatysty ahýal kúrdeli bolyp tur, - dedi «Ulttyq ǵylymı medıtsınalyq ortalyq» aktsıonerlik qoǵamy basqarmasynyń tóraǵasy.

Sondaı-aq, Nursultan Nazarbaevqa 2018 jylǵy maýsymda iske qosylýy josparlanyp otyrǵan jańa úlgidegi «Tomoterapııa» onkologııa ortalyǵynyń qurylysy jóninde málimdeldi.

Kezdesý sońynda Elbasy Qazaqstandaǵy onkologııalyq aýrýlardy emdeý isin odan ári jetildirý máselesi boıynsha birqatar naqty tapsyrma berdi.