Elbasy Úkimettiń ındýstrııalandyrý baǵdarlamasyn júzege asyrý jumysyna qanaǵattanarlyq baǵa berdi

ASTANA. 3 shilde. QazAqparat - Jalpy Úkimettiń osy baǵdarlamany oryndaý jolyndaǵy jumysyna qanaǵattanarlyq dep baǵa berýge bolady. Búgin elordada ótip jatqan Indýstrııalyq forým barysynda Memleket basshysy Nursultan  Nazarbaev  osylaı málim etti.

«Oblystardy aralaǵan tusta búgingi jetistikterimizdiń barlyǵy baıandalǵan bolatyn. Barlyq oblystar táýelsizdiktiń 20 jyldyǵy tusynda Astanaǵa kelip esep berdi. Qurylysy júrip jatqan nysandar bar, basqasy bar, jyldyń aıaǵynda iske qosylatyn mekemeler sany arta túsedi. Baıandalǵan máseleniń barlyǵy qanaǵattandyrady. Ásirese, qolǵa alynǵan ındýstrııalyq baǵdarlamaǵa búkil halyqtyń tartylǵany jaqsy. Bul Indýstrııa jáne jańa tehnologııalar mınıstrliginiń jemisti jumysy», - dedi N. Nazarbaev.

«Jalpy Úkimettiń osy baǵdarlamany oryndaý jolyndaǵy jumysyna qanaǵattanarlyq dep baǵa berýge bolady. Oblys ákimderiniń, aýdan ákimderiniń, óńir basshylarynyń jumystary qyrýar. Osy qarqynnan toqtatamaýymyz kerek», - dedi Prezıdent N. Nazarbaev.