Elbasy Úkimetke «jasyl ekonomıkany» qalyptastyrý jáne damytý úshin negiz bolatyn zańdardy jedel daıyndaýdy tapsyrdy

Elbasynyń atap ótýinshe, elimizdiń «Jasyl ekonomıkaǵa» kóshý tujyrymdasy bekitildi. Degenmen, ony júzege asyrý energııany tıimdi paıdalanýda múldem jańa tásilderdi qajetsinedi. «Meniń júktegen mindetterimdi oryndaý úshin 2020 jylǵa deıin bizderge energııa únemdeýdi jylyna 2,5 paıyz, al 2020 jyldan keıin 3,5 paıyz qamtamasyz etý qajet. Sonda biz otandyq kásiporyndardyń energııa tıimdiliginiń qajetti deńgeıine qol jetkizip, sonymen qatar «jasyl ekonomıka» qurý aıasyndaǵy mindetterdi oryndaımyz», - dedi N.Nazarbaev.

QR Prezıdentiniń aıtýynsha, Tujyrymdamany júzege asyrý zańnamany jetildirýdi de qajet etedi. Al bul jumystardy Parlamenttiń 3-sessııasynda-aq qarastyrýǵa kirisý úshin jedel jumystar júrgizý qajet.

«Osyǵan oraı Úkimetke Parlament qaraýyna sáıkesinshe zań jobalaryn engizýdi jedeldetýdi tapsyramyn», - dedi Elbasy.