Elbasy Úkimetke «Nazarbaev Ýnıversıteti» túlekterin jumysqa ornalastyrý týraly naqty shema jasaýdy tapsyrdy
ANA. 7 jeltoqsan. QazAqparat /Qanat Mámetqazyuly/ - Búgin elordada «Nazarbaev Ýnıversıteti» stýdentteri men oqytýshy qaýymynyń aldynda dáris oqyǵan QR Prezıdenti Nursultan Nazarbaev Úkimetke atalǵan oqý ornyn bitirýshilerin jumysqa ornalastyrý týraly naqty shema jasaýdy tapsyrdy.
«Bizdiń ekonomıkamyzǵa ındýstrııaldyq kezeńdegi formatsııa boıynsha ýnıversıtet kadrlary asa qajet. Júzdegen jańa kásiporyndarda jumys atqaratyn mamandar kerek. Ýaqyt shapshań syrǵýda. Sondyqtan da, Úkimet búgingi kúnnen bastap jańa ýnıversıtettiń bitirýshilerin jumysqa ornalastyrýdyń naqty shemasy týraly máseleni sheshýi qajet. Aldyn ala, erte bastan bıznespen aralasyp, ýnıversıtettiń árbir túlegi der kezinde jumysqa ornalasýyn, jaqsy tabys tabýyn qarastyrǵan lázim. Birde bir ýnıversıtet bitirýshisi nazardan tys qalmasyn. Bul máseleni Prezıdent Ákimshiliginiń apparaty udaıy baqylaýda ustaıtyn bolady», - dedi N. Nazarbaev.
