Elbasy Úkimetke mektepterde jan basyna shaǵyp qarjylandyrý júıesin engizýdi tapsyrdy
ASTANA. 5 qyrkúıek. QazAqparat- Búgin Astanadaǵy Nazarbaev Ýnıversıtetinde «Qazaqstan bilim qoǵamy jolynda» taqyrybynda ınteraktıvti dáris oqý barysynda Memleket basshysy Nursultan Nazarbaev Úkimetke ilki mektepterde jan basyna shaǵyp qajylandyrý júıesin engizýdi tapsyrdy.
«Orta bilim berý júıesinde jan basyna shaǵa otyryp, qarjylandyrýdy qamtamasyz etýimiz kerek. Oqýshy basqa mektepke aýyssa, onyń qarajaty da sol jaqqa ketedi. Osylaısha, biz mektepter men muǵalimder arasyndaǵy básekelestikti arttyra alamyz. Bul rette Úkimetke ilki mektepterde jan basyna shaǵa otyryp, qarjylandyrý júıesin engizýdi tapsyramyn», - dedi N. Nazarbaev.
