Elbasy Úkimetke ınnovatsııanyń salalyq ortalyqtaryn qurýdy tapsyryp, Astanada ǵylym men tehnologııanyń jetistikterine arnalǵan kórme ashýdy tapsyrdy

ASTANA. 17 sáýir. QazAqparat /Qanat Mámetqazyuly/ - Búgin Úkimette ótken keńeste Memleket basshysy Nursultan Nazarbaev elimizdegi ınnovatsııalyq salany jańǵyrý máselesine nazar aýdartyp, Úkimettiń aldyna birqatar tapsyrmalar júktedi.

«Innovatsııalyq qyzmettiń keńinen enip, taralýy úshin Úkimetke ónimdilik pen ınnovatsııanyń salalyq ortalyqtaryn qurýdy tapsyramyn. Olar tikeleı ónerkásiptik kásiporyndarmen jumys isteýleri shart. Bul rette ınovatsııalyq jobalardyń enshiles qarjylandyrý aýqymyn da keńeıte túsý qajet. Innovatsııalyq ortany damytý úshin zııatkerlik menshikti qorǵaıtyn jańa zań kerek. Al elimizde jáne qazaqstandyqtar arsynda ınnovatsııalyq dúnıetanymdy qalyptastyrý úshin Astanada Qazaqstannyń ǵylym men tehnologııasynyń jetistikterine arnalǵan kórme ashýdy tapsyramyn», - dedi Elbasy.

Bul rette Prezıdent ondaı kórmeler Qazaqstanda qandaı jańalyqtar ashylyp jatqanyn, óndiriske ne engizý kerektigin kórsetýi qajettigin aıtyp ótti.