Elbasy Úkimetke ınnovatsııa baǵyty boıynsha 1 shildege deıin usynystar ázirleýdi tapsyrdy
ASTANA. 17 sáýir. QazAqparat /Qanat Mámetqazyuly/ - Búgin Úkimette ótken keńeste Memleket basshysy Nursultan Nazarbaev atqarýshy bılikke aǵymdaǵy jyldyń 1 shildesine deıin ınnovatsııalardy qoldaýǵa qatysty máseleler boıynsha usynystar ázirleýdi tapsyrdy.
«Men osy baǵyttaǵy ilgerileýdiń negizgi núkteleri retinde Almaty janyndaǵy Aqparattyq tehnologııalar parki men jańa ýnıversıtet bola alady dep sanaımyn. Bul rette «Samuryq-Qazyna» Qory» barlyq ulttyq kompanııalar aldyna ınnovatsııalyq jobalardy engizý jumystarymen aınalysý mindetin qoıýlary kerek. Árbir mınıstrlik pen vedomstvoda ınnovatsııalyq baǵyt boıynsha keleshek damýlary týraly josparlary bolýy shart. Bul bizdi, bizdiń jumysshylarymyzdy oılanýǵa ıtermeleıdi», - dedi Prezıdent.
Sonymen qatar, Elbasy ınnovatsııa baǵytynda engizýge bolatyn 3-4 máselege toqtalyp, sol baǵytta jumystar atqarylýy tıistigin atap ótti.
