Elbasy Úkimet pen ákimdikterdi turǵyn úı-kommýnaldyq sharýashylyǵy salasyndaǵy kemshilikter úshin syn tezine aldy

«Turǵyn úı-kommýnaldyq sharýashylyǵy salasynda biz jylý berý maýsymyn problemasyz ótkizýge qol jetkize almaı otyrmyz. Jyl saıyn Úkimet pen ákimder maǵan jylý berý maýsymyna 100 paıyz daıyndyq jaıynda baıandaıdy. Al, aıaz túskende Óskemende, Kókshetaýda, Semeıde taǵy da qubyrlar jarylyp, daýlar paıda bolady»,-dedi Elbasy Úkimet otyrysy barysynda.

Sonymen qatar, Memleket basshysy halyq tarapynan turǵyn úı-kommýnaldyq sharýashylyǵyn jańǵyrtý baǵdarlamasy boıynsha eskertýler túsip jatqanyn jetkizdi.
Osy oraıda Prezıdent memlekettik organdardyń jaýapkershiligi naqtylanbaǵanyn aıtty. «Kim buǵan jaýap beredi? Kim ony ótkizedi? Bizdiń baǵdarlama boıynsha páter ıeleri úıdi basqarý úderisine naqty qatysyp, osy baǵdarlamadan naqty paıdany kórýi tıis edi»,-dep eskertti N. Nazarbaev.

Osyǵan baılanysty qordalanǵan máselelerdi sheshý úshin Prezıdent Úkimetke tıisti tapsyrma berdi.