Elbasy Úkimet nazaryn jas kásipkerler shyǵarǵan ónimderge aýdartty

ASTANA. QazAqparat - QR Prezıdenti Nursultan Nazarbaev mınıstrler men ákimderdi otandyq kıim kııýge taǵy da shaqyrdy, dep habarlaıdy QazAqparat.

«Birinshiden, ózimizdiń ónimderimizdi nasıhattaý kerek. Bul óz kezeginde otandyq jeńil ónerkásipti kóterýge yqpal etedi», - dep toqtaldy Elbasy Úkimettiń keńeıtilgen otyrysynda.

Osy oraıda Memleket basshysy Jastar jylynyń ashylýy kezinde uıymdastyrylǵan kórmedegi ónimderdiń sapaly ekenin atap ótti.

«Eger de olarǵa qolaıly jaǵdaı jasasaq, salada úlken kompanııalar paıda bolady. Biz naryqtardy izdep jatyrmyz, alaıda ózimizdiń ishki naryǵymyzdy paıdalanbaımyz. Sondyqtan osy jumystardy pysyqtańyzdar», - dep tapsyrdy Prezıdent.

Óz kezeginde Úkimet basshysynyń orynbasary Erbolat Dosaev Elbasy tapsyrmasy aıasynda bólingen 600 mlrd teńge birinshi kezekte ımportty yǵystyrýǵa baǵyttalatynyn atap ótti.