Elbasy Túrkııa Prezıdenti Rejep Taııp Erdoǵanmen telefon arqyly sóılesti

NUR-SULTAN. QazAqparat - Qazaqstannyń Tuńǵysh Prezıdenti, Elbasy Nursultan Nazarbaev Túrkııa Respýblıkasynyń Prezıdenti Rejep Taııp Erdoǵanmen telefon arqyly sóılesti, dep habarlaıdy QazAqparat Elbasynyń resmı saıtyna silteme jasap.

Áńgime barysynda Elbasy Rejep Taııp Erdoǵandy týǵan kúnimen quttyqtap, zor densaýlyq pen baýyrlas Túrkııa halqynyń ıgiligi jolyndaǵy memlekettik qyzmetine tabys tiledi.

Túrkııa Respýblıkasynyń Prezıdenti Nursultan Nazarbaevqa jyly lebizderi úshin rızashylyǵyn bildirip, onyń Túrkitildes memleketterdiń yntymaqtastyq keńesiniń (Túrki keńesi) Qurmetti tóraǵasy retindegi mańyzdy rólin erekshe atap ótti.

Sońynda taraptar eki el arasyndaǵy strategııalyq seriktestik qatynastardyń damý qarqynyna joǵary baǵa berdi.