Elbasy túrik kásipkerlerin «Astana» qarjy ortalyǵynyń jumysymen tanystyrdy
Qazaqstan Prezıdentimen kezdesýge Túrkııa ekonomıkasynyń 15 paıyzyn quraıtyn 25 kompanııanyń basshylary qatysty. Atalǵan kompanııalar aýyl sharýashylyǵy, tamaq ónerkásibi, geologııa jáne taý-ken óndirý ónerkásibi, hımııa ónerkásibi, mashına jasaý, jeńil ónerkásip, densaýlyq saqtaý jáne farmatsevtıka salalarynda jumys isteıdi.
«EKSPO-2017» bazasynda «Astana» halyqaralyq qarjy ortalyǵy óz jumysyn bastaǵanyn bilesizder. Qarjy ortalyǵy Nıý-Iork, Sıngapýr, London, Dýbaı qarjy ortalyqtarynyń ozyq modelderi negizinde qyzmet etip otyr. Onyń quqyqtyq mártebesi Konstıtýtsııalyq zańmen bekitilgen. Tipti, tili aǵylshyn tili. Bul qyzmet aǵylshyn quqyǵyna negizdelgen óńirdegi jalǵyz ǵana ortalyq», - dep atap ótti Elbasy.
Memleket basshysynyń atap ótýinshe, halyqaralyq qarjy ortalyǵynyń qatysýshylaryna 50 jylǵa deıin jeńildetilgen salyq, valıýta, vıza, eńbek rejimderi berilgen. Táýelsiz sot, halyqaralyq arbıtraj ortalyǵy ádildik pen taraptardyń quqyqtarynyń qorǵalýyna kepil bolady.
«Halyqaralyq qarjy ortalyǵynyń joǵary tehnologııalyq bırjasyn qurýǵa Shanhaı qor bırjasy jáne amerıkalyq Nasdaq bırjasy tartylǵan. Halyqaralyq qarjy ortalyǵy jasyl, ıslamdyq jáne ınnovatsııalyq qarjy quraldaryn damytatyn bolady. Túrik kompanııalaryn osy ortalyq jumysyna qatysýǵa shaqyramyn», -dedi Nursultan Nazarbaev.
Aıta keteıik, Qazaqstan Prezıdentimen kezdesýge Túrkııa ekonomıkasynyń 15 paıyzyn quraıtyn 25 kompanııanyń basshylary qatysty. Atalǵan kompanııalar aýyl sharýashylyǵy, tamaq ónerkásibi, geologııa jáne taý-ken óndirý ónerkásibi, hımııa ónerkásibi, mashına jasaý, jeńil ónerkásip, densaýlyq saqtaý jáne farmatsevtıka salalarynda jumys isteıdi.
