Elbasy Turǵynúıjınaqbanki tóńiregindegi bylyqty synǵa aldy

ASTANA. 11 qazan. QazAqparat - Búgin Aqordada ótken Úkimettiń keńeıtilgen otyrysynda Memleket basshysy Nursultan Nazarbaev Turǵynúıjınaqbanki tóńiregindegi bylyqty synǵa aldy

Memleket basshysynyń atap ótýinshe, atalǵan banktiń basshylyq qyzmetkerleri mıllıondaǵan teńge jalaqy ala otyryp, «Qoljetimdi baspana-2020» baǵdarlamasy aıasynda páterlerdi jeńildikpen satyp alǵan. «Maǵan jańa baspana tóraǵaǵa, onyń orynbasarlaryna, banktiń Almatydaǵy fılıalynyń dırektoryna, onyń aǵasyna, departament dırektoryna, onyń apaıyna bólingendigi týraly anyqtama berdi. Banktiń basqarýshy dırektory, onyń aǵasy, sondaı-aq keıinnen páterdi úshinshi tulǵaǵa syıǵa tartqan uly baspana alǵan. Men ýaqytymdy shyǵyndap mynaý dalbasany ister is bolmaǵannan keıin tizbektep atap otyrǵanym joq. Men qarap otyrmyn, banktiń jeńildikpen páter alǵan 20-dan astam qyzmetkeri bar. Biz sonda bankti onyń qyzmetkerleri úshin qurdyq pa?» - dedi Elbasy.