Elbasy týraly zańnyń kúshin joıý: Senattan komıssııa quramyna depýtattar irikteldi

ASTANA. QazAqparat – Búgin Senattyń jalpy otyrysynda «QR Tuńǵysh Prezıdenti – Elbasy týraly» Konstıtýtsııalyq zańnyń kúshi joıyldy dep taný týraly» Konstıtýtsııalyq zań jobasy boıynsha Parlament palatalarynyń birlesken komıssııasynyń músheleri saılandy, dep habarlaıdy QazAqparat tilshisi.

«Ata Zańǵa engizilgen túzetýlerge sáıkes, Parlament Konstıtýtsııalyq zańdardy palatalardyń birlesken otyrysynda qabyldaıdy. Jańa tártip boıynsha palatalardyń árqaısysy birlesken otyrysqa deıin komıssııanyń quramyna enetin kandıdatýralardy jáne qosymsha baıandama jasaýshyny aıqyndaýy qajet. Osyǵan baılanysty Senattyń tıisti qaýly jobasy daıyndaldy», - dedi Senat tóraǵasy Máýlen Áshimbaev.

Aıta keteıik, 13 qańtardaǵy birlesken otyrysta «Qazaqstan Respýblıkasynyń Tuńǵysh Prezıdenti – Elbasy týraly» Konstıtýtsııalyq zańnyń kúshi joıyldy dep taný týraly» Konstıtýtsııalyq zańnyń jobasy qaralady.

Osy oraıda Senat depýtattary birlesken komıssııanyń múshelerin saılady. Nátıjesinde senatorlar Vladımır Volkov, Sultanbek Mákejanov jáne Dúısenǵazy Mýsın atalǵan komıssııanyń quramyna endi.

Budan buryn habarlanǵandaı, 11 qańktar kúni Májilistiń jalpy otyrysynda «QR Tuńǵysh Prezıdenti - Elbasy týraly» Konstıtýtsııalyq zańnyń kúshi joıyldy dep taný týraly» Konstıtýtsııalyq zań jobasy boıynsha birlesken komıssııanyń quramyna enetin depýtattar irikteldi.

Bul turǵyda Májilisten Bekjanov Berik Aıdarbekuly, Erýbaev Serik Sársenuly, Smaılov Erlan Valerııuly komıssııa quramyna kirdi.