Elbasy týraly trılogııa túsirilýde
ASTANA. 3 qarasha. QazAqparat - Temirtaý qalasynda Elbasy Nursultan Nazarbaevtyń ómirin baıandaıtyn «Kóshbasshy joly» atty trılogııany túsirý jalǵasyp jatyr, dep jazady «Aıqyn» gazeti.
«Trılogııa tek Qazaqstanda ǵana emes, Reseıde, Ýkraına men Estonııada da túsirilý ústinde. Onda Nursultan Nazarbaev 1962 jyly Helsınkııdegi Dúnıejúzilik jastar festıvaline bara jatqan keme bortynda ıÝrıı Gagarındi jolyqtyrady». Bul týraly Qaraǵandy oblysy ákimdiginiń aqparattyq portalynda jarııalanǵan habarlamada.
Stsenarıı boıynsha fılmdegi oqıǵalar 1959-1965 jyldar aralyǵynda ótedi. Qazir «Arselor-Mıttal Temirtaý» AQ aýmaǵynda fılmniń aýqymdy kórinisteri túsirilip jatyr. Mysaly, eń birinshi shoıynnyń quıylý sáti, saltanatty jıyn men óndiristegi apat syndy kórinister sol jerde sahnalanýda.
«Ónerdiń qudiretimen 60-jyldarǵa qaraı sheginis jasadyq. Domna peshiniń aldynda keńestik urandar men transparanttar jelbirep, trıbýnada Lenınniń portreti paıda boldy. Árirekte «Pobeda» kóliginiń búıiri bultıyp tur. Saltanatty mıtıng kórinisine 700 adam qatysty» delingen habarlamada.
Kórermender kıno kartınadan Vıktor Sýhorýkov, Sergeı Shakýrov, ıÝrıı Solomın syndy reseılik juldyzdardy kóre alady.
Avtorlar fılmdi 3D formatyna kóshirýdi kózdep otyr. Kartına kórermen nazaryna 2013 jyly usynylýy tıis.
