Elbasy Tótenshe jaǵdaılar komıtetiniń jalaýy men rámizin bekitti
Bul týraly Aqordanyń baspasóz qyzmeti habarlaıdy.
***
Azamattyq qorǵaý salasyndaǵy ýákiletti organ vedomstvosynyń jalaýy men rámiziniń, vedomstvonyń aýmaqtyq bólimsheleri men bilim berý uıymdary jalaýlarynyń sıpattamasyn bekitý týraly
«Azamattyq qorǵaý týraly» 2014 jylǵy 11 sáýirdegi Qazaqstan Respýblıkasynyń Zańy 12-babynyń 2-tarmaǵyna sáıkes QAÝLY ETEMІN:
1. Qosa berilip otyrǵan:
1) azamattyq qorǵaý salasyndaǵy ýákiletti organ vedomstvosy jalaýynyń;
2) azamattyq qorǵaý salasyndaǵy ýákiletti organ vedomstvosy rámiziniń;
3) azamattyq qorǵaý salasyndaǵy ýákiletti organ vedomstvosynyń aýmaqtyq bólimsheleri jalaýlarynyń;
4) azamattyq qorǵaý salasyndaǵy ýákiletti organ vedomstvosynyń bilim berý uıymdary jalaýlarynyń sıpattamalary bekitilsin.
2. «Memlekettik órtke qarsy qyzmet organdary jalaýlarynyń sıpattamasyn bekitý týraly» Qazaqstan Respýblıkasy Prezıdentiniń 2014 jylǵy 25 shildedegi №867 Jarlyǵynyń (Qazaqstan Respýblıkasynyń PÚAJ-y, 2014 j., № 46-47, 459-qujat) kúshi joıyldy dep tanylsyn.
3. Osy Jarlyq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń
Prezıdenti N.Nazarbaev
Astana, Aqorda, 2017 jylǵy 15 qyrkúıek
№549
Jarlyqqa qosymshany myna jerden kórýge bolady.
