Elbasy Tájikstan Prezıdenti Emomalı Rahmonmen telefon arqyly sóılesti

NUR-SULTAN. QazAqparat - Tájikstan Prezıdenti Nursultan Nazarbaevty shyn júrekten týǵan kúnimen quttyqtap, myqty densaýlyq, baýyrlas Qazaqstan halqynyń ıgiligi jolyndaǵy memlekettik qyzmetine jańa tabystar tiledi.

Tájikstan basshysy Nursultan Nazarbaevtyń Qazaqstan Respýblıkasynyń Tuńǵysh Prezıdenti retinde álemde zor abyroıǵa jáne barshanyń qurmetine ıe bolǵanyn atap ótti, dep habarlaıdy QazAqparat Elbasynyń resmı saıtyna silteme jasap.

Sondaı-aq Emomalı Rahmon Elbasynyń Qazaqstan men Tájikstan arasynda dostyq qatynastar men tyǵyz yqpaldastyq ornaýyna jáne damýyna zor úles qosqanyn aıtty.

Nursultan Nazarbaev Tájikstan basshysyna izgi tilekteri úshin rızashylyǵyn bildirip, Qazaqstan men Tájikstannyń túrli saladaǵy yntymaqtastyǵyn odan ári nyǵaıta túsý mańyzdy ekenin jetkizdi.