Elbasy: Táýelsizdikti saqtap qalý úshin eldiń birligin saqtaýymyz kerek
«Eger biz Táýelsizdikti saqtap qalamyz desek, eldiń birligin saqtaýymyz kerek. Memlekettiń ishinde tynyshtyqty saqtaý mańyzdy. Sondyqtan bizdiń halqymyz dana, úlkendi-kishili bolyp tentekterdi jolǵa salyp, elimizdi ary qaraı alǵa jeteleýimiz kerek», - dedi Elbasy.
Osy oraıda Nursultan Nazarbaev elimizdiń ıgiligi úshin alda atqaratyn biraz jumystar bar ekenin atap ótti.
«Alyp memleketter kelise almaı jatqan ýaqyt, olar saýda jaǵynan da, sanktsııa jaǵynan teketiresip jatqan kezeń oryn alýda. Qazaqstan úlken ımperııalardyń ortasynda turǵan memleket retinde árýaqytta muqııat bolýy kerek. Bul turǵyda eldiń tynyshtyǵy arqyly ǵana órkendep óse alamyz. Men óz basym el basqaryp, tıisti qyzmetimdi istedim, meniń býynym qyzmet etti. Endi keler býyn menen jaqsy istesin», - dedi QR Tuńǵysh Prezıdenti.
Budan buryn habarlanǵandaı, Elbasy Nursultan Nazarbaev «Habar» arnasyna bergen suhbatynda Prezıdent qyzmetine birneshe adamdy qarastyrǵanyn, sondaı-aq nege Qasym-Jomart Toqaevty tańdaǵanyn túsindirdi.
