Elbasy tapsyrmasymen mektep psıhologtarynyń jalaqysy kóteriledi

ASTANA. QazAqparat - Qazaqstan Prezıdenti Nursultan Nazarbaevtyń Joldaýynda belgilengen tapsyrmalarǵa sáıkes balalardyń qaýipsizdigin qamtamasyz etý úshin 16,8 mlrd teńge bólinetin boldy, dep habarlaıdy QazAqparat tilshisi.

«Balalardyń qaýipsizdigin qamtamasyz etý, sondaı-aq mektep psıhologtarynyń jumysyn kúsheıtý sheńberinde 16,8 mlrd teńge nemese jyl saıyn 5,6 mlrd teńge (úsh jyl boıy) bólinetin bolady. Atalǵan qarajat pedagogıkalyq sheberlikti arttyrýǵa úshin qosymsha tólem engizýge, laýazymdyq eńbekaqy men orta bilim berý júıesinde psıhologtardyń biliktiligin arttyrýǵa baǵyttalady», - dedi Qarjy mınıstri Álıhan Smaıylov Úkimette ótken baspasóz máslıhatynda.

Sonymen qatar, onyń aıtýynsha, bilim berý obektileriniń qurylysyna - oqýshy oryndaryna úlken tapshylyqqa tap bolyp otyrǵan óńirlerge, sondaı-aq úsh aýysymdy jáne apatty jaǵdaıdaǵy mektepterge baılanysty problemalardy sheshý úshin bıýdjetten úsh jyl ishinde 50 mlrd teńge bólinbek.

Eske sala ketsek, Eske sala ketsek, osy jyldyń 5 qazanynda Qazaqstan Resýpblıkasynyń Prezıdenti Nursultan Nazarbaev Qazaqstan halqyna «Qazaqstandyqtardyń ál-aýqatynyń ósýi: Tabys pen turmys sapasyn arttyrý» Joldaýyn jarııalaǵan bolatyn. Joldaýda Elbasy mektep psıhologtarynyń jumysyn kúsheıtýdi tapsyrǵan edi.