Elbasy tapsyrmasy: Pavlodar kásiporyndary jumyskerlerdiń jalaqysyn kótere bastady
Alǵashqylardyń biri bolyp «Gofrotara zaýyty» JShS eńbekaqyny kóterdi. Igi isti zaýyt basshylyǵy tehnıkalyq qyzmetkerler men qaýipsizdik qyzmetiniń jumyskerlerinen bastaǵan.
«Eger buryndary olardyń aılyq eńbekaqysy 50-55 myń teńge bolsa, 1 qarashadan bastap 70-72 myń teńgege kóterildi. Endi biz negizgi qyzmetkerlerimizdiń, ıaǵnı óndiriste isteıtinderdiń jalaqysyn kezeń-kezeńimen kóterýdi josparlap otyrmyz, - dedi zaýyttyń kadr bóliminiń jetekshisi Názıgúl Baımuhanova.
Eńbekaqyny kóterý aýyl sharýashylyǵynyń jumyskerlerine de jetti. Pavlodar aýdanyndaǵy 100 adam eńbektenetin «Jańa qala» sharýa qojalyǵynyń basshysy barlyq ujymnyń jalaqysyn birden 30 paıyzǵa ósirdi.
«Biz óz jumyskerlerimizdiń ómir súrýge jáne aýylda damýǵa qulshynys tanytýy úshin olardyń qamyn oılaýymyz kerek. Óıtkeni, aýyl bolmasa eshqandaı qala ómir súre almaıdy. Bizge jumyskerler qajet. Ol úshin jaqsy jalaqy tólep, qyzmetkerlerge arnalǵan baspana salýǵa tyrysýdamyz, - dedi aýyl sharýashylyǵy kásiporynynyń basshysy Ardaq Qajat.
Qalaaralyq tasymal jáne qyzmetkerlerdi tasymaldaýmen aınalysatyn «Mejgortrans» JShS júrgizýshilerdiń jalaqysyn birden 20 paıyzǵa kótermek.
«Búginde seriktestigimizde 54 adam eńbektenedi. Kásiporyndaǵy eń az jalaqy 60 myń teńgeni, júrgizýshilerdiń jalaqysy 150-160 myń teńgeni quraıdy. Jýyq arada bul kórsetkishter kóteriletin bolady, - deıdi kólik fırmasy dırektorynyń orynbasary ıÝrıı Glıntsov.
2019 jyldyń basynan oıyp túsetin ótkir sodany óndiretin «Kaýstık» AQ da eńbekaqyny kóterýdi josparlaýda. Jalaqy kem degende 10 paıyzdan joǵary kóterili tıis. Jumsalatyn qarjy kompanııanyń kelesi jylǵy bıýdjetine engizilgen.
