Elbasy tapsyrmasy: Qazaqstanda Tikeleı ınvestıtsııalar qory qurylady
Mınıstrdiń aıtýynsha, elge ınvestıtsııa tartý joǵary básekege qabiletti naryqqa baılanysty bolady. Investıtsııalyq preferentsııalardy nemese ınfraqurylymdy qoldaýdy usyný jetkilikti bola bermeıdi.
«Osyǵan oraı, Memleket basshysynyń tapsyrmasyna sáıkes Tikeleı ınvestıtsııalar qoryn qurý máselesi pysyqtalýda. Bul qor anaǵurlym perspektıvaly jobalar men suranysqa ıe nysanaly da naqty ınvestıtsııalardy júzege asyratyn bolady», - dedi ol.
Onyń sózine qaraǵanda, ınvestıtsııa tartýda áleýetti ınvestorlar úshin qajetti barlyq aqparatty qamtyǵan sapaly ınvestıtsııalyq portal mańyzdy rólge ıe.
«Úkimette birqatar otyrystar ótkizilip, olarda mańyzdy máseleler, sonyń ishinde ınvestportal týraly aıtyldy. Qazirgi ýaqytta birqatar óńirlerde ınvestıtsııalyq portaldardy toltyrý týraly máselesindegi barlyq eskertýler joıyldy. Qalǵany bıyl jyldyń sońyna deıin aıaqtalady», - dedi Jeńis Qasymbek.
Eske sala ketsek, Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty halyqqa Joldaýynda «Іri ári serpindi jobalardy júzege asyrý úshin sheteldik ınvestorlarmen birlesip ınvestıtsııa salý qaǵıdaty boıynsha jumys isteıtin Shıkizattyq emes sektorǵa bólinetin tikeleı ınvestıtsııa qoryn qurý máselesin qarastyrý qajet», - delingen bolatyn.
