Elbasy tapsyrmasy baǵytynda memlekettik qoldaý sharalarynyń tıimdiligin arttyramyz - A.Mamytbekov

ASTANA. QazAqparat - Memleket basshysynyń Joldaýyndaǵy tapsyrmasyna sáıkes memlekettik qoldaý sharalarynyń tıimdiligin arttyrý boıynsha jumys isteımiz. Bul týraly búgin elordadaǵy Táýelsizdik saraıynda Elbasy Nursultan Nazarbaev Qazaqstan halqyna Joldaýynan keıin QR Aýyl sharýashylyǵy mınıstri Asyljan Mamytbekov málim etti.

«Aýyl sharýashylyǵynda memleket tarapynan jasalatyn qoldaý is-sharalary jyl saıyn artýda. Biraq bul baǵytta osy sharalardyń tıimdiligin arttyrýymyz kerek. Sondyqtan da Elbasy Úkimetke, mınıstrlikke qoldaý sharalarynyń tıimdiligin joǵarylatýdy mindettedi. Bul óte mańyzdy másele. Erteń álemdik básekelestikke daıyn kásiporyndardy, fermerlerdi qoldaýymyz kerek. Sondyqtan memlekettik qoldaý sharalaryn saraptap, tıimdi emes tustaryn qysqartyp, tıimdi tetikterin ulǵaıtyp, keńeıtýimiz kerek», - dedi A.Mamytbekov.