Elbasy tapsyrmasy aıasynda polıtsııa jumysy túbegeıli jaqsarady - Qasymov
Aqparattyq-nasıhattyq top jetekshisi, QR Іshki ister mınıstri Qalmuhanbet Qasymov oblys ákimi Qyrymbek Kósherbaevpen birge óńir belsendilerimen kezdesti, dep habarlaıdy ІІM baspasóz qyzmeti.
Júzdesý barysynda Q. Qasymov baǵdarlamalyq qujatta kórsetilgen negizgi baǵyttar, sondaı-aq Prezıdent Ákimshiligimen birge daıyndaǵan qazaqstandyq polıtsııany jańǵyrtý jónindegi Jol kartasyn ázirleý týraly aıtty.
Jol kartasynda ІІM-niń shtattyq sanyn ońtaılandyrý, basqarýshy býyndardyń qysqarýy, polıtsııany artyq fýnktsııalardan aryltý, polıtsııanyń qyzmetin baǵalaý talaptaryn túbegeıli ózgertý jáne onyń jumysyn servıstik modelge kóshirý josparlanǵan.
Sonymen qatar Mınıstr turǵyndarmen jumys isteýde zamanaýı formattardyń, jańa polıtsııa standarttarynyń jáne jańa nysandyq kıimniń ázirlenýi týraly aıtyp ótti. Sonymen qatar vedomstvolyq oqý oryndarynyń qaıta reformalaý máselelerine jáne «102» qyzmetiniń jańasha jumys isteýine toqtaldy.
«Prezıdent quqyq qorǵaý organdarynyń jumysynda tereń sapaly ózgeristerdiń qajet ekenin aıtty. Qoǵam bizdiń jumysty túbirimen jaqsarǵanyn qalaıdy, qoǵam tarapynan polıtsııaǵa senimdilik deńgeıiniń artýy jáne turǵyndardyń qaýipsizdigi - polıtsııa jumysynyń basty ólsheýishi,» - dep atap ótti Q. Qasymov.
Sonymen qatar Qalmuhanbet Qasymov oblys ákimimen birge Jol kartasy sheńberinde QR ІІM, «Zerde» Ulttyq holdıngimen jáne oblys ákimdigimen birlese bekitken «112 biryńǵaı kezekshi qyzmet» pılottyq jobasynyń qurylýy men engizilýi jónindegi jumysty zerdeledi.
«112» biryńǵaı kezekshilik qyzmeti operatorlardyń qońyraýlaryn qabyldap, naqty baǵyttaǵy dıspetcherlermen baılanystyrady (101, 102, 103, 104, 112). Osy joba Astana qalasy men Qyzylorda oblysynda synaqtan ótkiziledi.
Sonymen qatar Q. Qasymov ishki ister, tótenshe jaǵdaılar jónindegi jáne qylmystyq-atqarý júıesi departamentteriniń qyzmetkerlerimen kezdesip, onda ishki ister organdaryn jańǵyrtý boıynsha Prezıdenttiń tapsyrmalaryna jáne ony oryndaý úshin júzege asyrylatyn naqty sharalarǵa toqtaldy, sonymen qatar oblystyq polıtsııanyń birqatar bólinisteriniń jumysymen tanysty.
