Elbasy tapsyrmasy: Aqmolada 3,5 myńnan astam jumysshynyń jalaqysy ósedi
Vedomstvonyń deregi boıynsha, eń tómengi jalaqyny kóterý týraly Elbasy bastamasyn qoldaýshylar qatarynda aýyl sharýashylyǵy, qurylys, taý-ken, jeńil jáne tamaq ónerkásibi, mashına jasaý zaýyttary men kommýnaldyq qyzmet kórsetetin kompanııalar da bar. Jalpy, oblys boıynsha 2019 jyldyń 1 qańtarynan bastap, 313 kompanııa eń tómeńgi aılyq alatyn 3565 jumysshynyń eńbekaqysyn kóterýdi josparlap otyr.
«Elimizdegi sııaqty aldaǵy jyldyń 1-shi qańtarynan bastap, bizdiń kəsiporynda da jumysshylardyń aılyǵyn kóterý josparlanyp otyr. Jumysshylardyń sanatyna baılanysty 5-ten 20 paıyzǵa deıin, ıaǵnı, ortasha alǵanda 10 paıyzǵa kóteretin bolamyz. Osylaısha, jumysshylarymyzdyń áleýmettik jaǵdaıyn jaqsartý arqyly biz olardyń eńbekke degen qulshynysyn arttyramyz. Bul eńbek ónimdiligin arttyryp, tabystyń molaıýyna jol ashady», - deıdi Arshaly aýdanyndaǵy «Arkada Indastrı» JShS-niń dırektory Vladımır Nojkın.
Eske sala keteıik, osyǵan deıin habarlaǵanymyzdaı Aqmola oblysy əkimdigi 2019 jyly bıýdjettik uıymdarda eńbek etetin 58 myń qyzmetkerdiń (jalpy qyzmetkerler sanynyń 15 paıyzy) jalaqysy ortasha eseppen 35 paıyzǵa kóteriletinin aıtqan edi.
Sol kezde «Tynys» AQ, «TNK» agrofırmasy, «Gormolzavod» JShS tərizdi oblystaǵy 20-dan astam iri kompanııa óz jumysshylarynyń jalaqysyn kóterýge birden daıyn ekendikterin bildirgen bolatyn.
