Elbasy tapsyrmasy: Aqmola oblysynda 20-dan astam iri kompanııa jalaqyny kóteredi

ASTANA. QazAqparat - Prezıdent Joldaýyn iske asyrý aıasynda Aqmola oblysynda 20-dan astam iri kompanııa óz qyzmetkerleriniń jalaqysyn ósiredi, dep habarlaıdy «QazAqparat» HAA oblys ákimdigine silteme jasap.

«Oblystaǵy 20-dan astam iri kompanııa óz qyzmetkerleriniń jalaqysyn arttyrýǵa daıyn ekenin bildirdi. Olardyń qatarynda «Tynys» AQ, «TNK» agrofırmasy, «Gormolzavod» JShS jáne taǵy basqalary bar», - dedi 2018 jyldyń 9 aıynda aımaqtyń áleýmettik-ekonomıkalyq damýyna arnalǵan  baspasóz máslıhatynda Aqmola oblysynyń ákimi Málik Myrzalın.

Óńir basshysynyń aıtýynsha, 2019 jyly bıýdjettik uıymdarda eńbek etetin 58 myń qyzmetkerdiń (jalpy qyzmetkerler sanynyń 15 paıyzy) jalaqysy ortasha eseppen 35 paıyzǵa kóteriledi.

«Dáriger, muǵalim, mádenıet qyzmetkerleri jáne taǵy basqalardyń   jalaqysy ortasha eseppen alǵanda 77 myń teńgeden 104 myń teńgege deıin ósiriledi», - dedi ákim.