Elbasy tapsyrmalarynyń árbir úshinshisi belgilengen ýaqytynda oryndalmaı otyr - Prezıdent Ákimshiligi basshysynyń orynbasary
Búgin Almatyda respýblıkalyq mańyzy bar eki qala men oblys ákimdikteri apparattarynyń jetekshilerimen ótip jatqan respýblıkalyq semınarda osylaı aıtyldy, dep habarlaıdy QazAqparat.
"Búgingi kúni ishki jaǵdaı túzeldi. Daǵdarysqa qarsy sharalardyń arqasynda myńdaǵan jumys orny qurylyp, kóptegen áleýmettik nysandar qalpyna keltirildi. Júzdegen shaqyrym joldar salynyp, jóndeýden ótti. Osy sharalardy júzege asyrýda oblys ákimdikteri kóp jumys atqardy. Bólingen qarajat árbir eldi mekenge jetti. Mundaı jumys buryn-sońdy júrgizilmegen. Maqtan tutanarlyq isterimiz barshylyq. Degenmen kemshilikter de az emes", deıdi Prezıdent Ákimshiligi basshysynyń orynbasary Baýyrjan Baıbek. Onyń aıtýynsha, búgingi kúni Elbasynyń myńǵa jýyq tapsyrmalarynyń árbir úshinshisi belgilengen ýaqytynda oryndalmaı otyr.
