Elbasy tánti bolǵan japonııalyq barabanshylar Astanada óner kórsetedi
ASTANA. QazAqparat - Japonııanyń Qazaqstandaǵy elshiligi eki el arasyndaǵy dıplomatııalyq qatynastardyń 25 jyldyǵyna oraı birqatar sharalar daıyndady, dep habarlaıdy QazAqparat.
Atalmysh sharalardyń biri - Japonııada jáne ózge de birqatar elderge tanymal «Drum Tao» tobynyń óner kórsetýi. Mýzykanttar ejelgi dástúrli aspap - vadaıkoda oınaıdy. Elshiliktiń úshinshi hatshysy Satorý Takanasıdiń aqparaty boıynsha, atalmysh top ótken jyly Qazaqstan Prezıdentiniń Japonııaǵa tarıhı sapary barysynda óner kórsetti. Sondaı-aq hatshy japonııalyq toptyń ónerin Elbasy unatqanyn, sonymen birge olardyń Astanaǵa arnaıy shaqyrtylǵandyǵyn jetkizdi.
Bul týraly elshilik ókili QazAqparat tilshisine mádenı mıssııa qurmetine oraı ótken resmı qabyldaý rásiminde aıtty. Shara «Han shatyr» saýda oıyn-saýyq ortalyǵynda 5 qarasha kúni, saǵat 16-00-de ótedi.
