Elbasy Syrdarııanyń sol jaǵalaýyndaǵy nysandardyń qurylysyn kórdi

ASTANA. QazAqparat - Qyzylordada Elbasy Syrdarııa ózeniniń sol jaǵalaýynda salynyp jatqan nysandardyń qurylysyn kórdi, dep habarlaıdy QazAqparat Aqordanyń baspasóz qyzmetine silteme jasap.

Nursultan Nazarbaev Qyzylorda qalasynyń bas josparymen jáne ony tolyq josparlaý jobasymen tanysty. 

Qazaqstan Prezıdentine sol jaǵalaýdaǵy qurylys alańy 1 532 gektar jerdi quraıtyny, sonyń ishinde aýmaǵy 500 gektar jerge birinshi kezekte qurylys júrgiziletini jóninde baıandaldy.  

Sondaı-aq, Memleket basshysy sol jaǵalaýdaǵy qurylystyń eskızderi men ınvestıtsııalyq jer telimderiniń syzbasyn kórdi.

Aıta keterligi, jospar boıynsha 800 páterdi quraıtyn turǵyn úı keshenderin, áleýmettik-mádenı jáne bilim berý nysandaryn salý kózdelgen. Sonymen qatar, 100 adamdy qabyldaı alatyn emhanasy bar, 300 adamǵa arnalǵan kópsalaly aýrýhana, 320 balaǵa arnalǵan balabaqsha, mýzeı men stýdentter qalashyǵy salynady.

Foto: kyzylorda.gov.kz