Elbasy sýdıalar statıstıka kórsetkishine baılanbaýy tıistigin eskertti
ASTANA. QazAqpart - Sýdıa statıstıka kórsetkishterine baılanbaýy tıis.
Búgin Astanada ótip jatqan Qazaqstan Respýblıkasy sýdıalarynyń VII sezinde Memleket basshysy Nursultan Nazarbaev osylaı málim etti, dep habarlaıdy QazAqparat.
"Sýdıa statıstıkanyń kórsetkishterine baılanyp qalmaýy tıis. Sýdıanyń naqty táýelsizdigi zań talaptaryn qatań saqtanýynda, qabyldaǵan sheshiminiń durystyǵy men ádildigine nyq senimdi bolýynda jatyr. Sot tórelegi zańdy ári ádil bolýy shart. Zań men sot aldynda barlyǵynyń teńdigi qaǵıdasy saqtalýy tıis. Baıqap otyrsańyzdar, óz sózimde "sýdıa" sózin birneshe márte atap óttim, ıaǵnı ol zańdylyq úderistiń basty tulǵasy", - dep atap ótti Prezıdent.
Aıta keteıik, sezge sýdıalar korpýsy, Parlament depýtattary, ortalyq memlekettik organdardyń basshylary, sondaı-aq zańgerler qaýymdastyǵynyń, halyqaralyq uıymdardyń, BAQ pen ÚEU ókilderi shaqyryldy. Barlyǵy 600-den astam delegat pen forým qonaqtary qatysýda.
