Elbasy sózine jazylǵan «Otan Ana» atty jańa án oryndaldy

ASTANA. QazAqparat - Búgin Qazaqstan halqy Assambleıasynyń XXVІ sessııasynda QR Prezıdenti Nursultan Nazarbaevtyń sózine jazylǵan «Otan Ana» atty án oryndaldy, dep habarlaıdy QazAqparat tilshisi.

Aıta ketken jón, búgin sessııanyń plenarlyq otyrysy mádenı ujymdardyń kontsertimen jalǵasty. Kontserttiń orta sheninde júrgizýshiler Elbasy Nursultan Nazarbaevtyń sózine jazylǵan «Otan Ana» atty ánniń oryndalatynyn jarııalady. Osy kezde tórt ánshi kvartet bolyp jańa týyndyny shyrqady. Artynda turǵan hor qaıyrmasyna qosyldy. Al artqy ekranda Prezıdent túsken beınekórinister, Qazaqstannyń keń baıtaq jeri, «Baıqońyr» ǵarysh aılaǵy kórsetildi. Beınebaıan Memleket basshysy Nursultan Nazarbaevtyń óz anasymen birge túsken portrettik sýretpen aıaqtalady.

Aıta keteıik, búgin Prezıdenttiń tóraǵalyǵymen Qazaqstan halqy Assambleıasynyń XXVІ sessııasy ótti.  Sol jerde  Ulttyq bank tóraǵasy Danııar Aqyshev Prezıdentke «7-20-25» baǵdarlamasy týraly málim etti. Memleket basshysy atalǵan bastamaaıasynda arzan ıpotekany aldymen jas otbasylarǵa berýdi usyndy.  Memleket basshysy óz densaýlyǵyna qalaı qaraıtynyn da aıtyp berdi.