Elbasy soǵys jáne tyl ardagerlerine Táýelsizdigimizdiń tól nagradalaryn tapsyrdy
«Qadirli qaýym, ardagerler men áskerı, quqyq qorǵaý, arnaıy qyzmet qyzmetkerleri! Eń aldymen barshańyzdy erteńgi atap ótetin Otan qorǵaýshylar kúnimen quttyqtaımyn. Biz 1992 jyly 7 mamyrda Qazaqstannyń áskerin qurǵan bolatynbyz. Bul kún - biz úshin Otan qorǵaýshylar kúni. Ekinshiden, bul mereke Uly Otan soǵysyndaǵy Jeńistiń 70 jyldyǵymen qatar kelip otyr. Osy eki merekemen barshalaryńyzdy quttyqtaımyn», - dedi QR Prezıdenti.
Memleket basshysy atalǵan merekelerge oraı arnaıy Jarlyq shyǵaryp, biraz azamattardy marapattaýdy uıǵarǵanyn, marapatqa eren eńbegimen qaltqysyz qyzmet etken jandar kirgenin atap ótti.
«Osy joly Uly Otan soǵysy ardagerleri men tyl ardagerlerine Táýelsizdigimizdiń tól nagradalary tapsyrylatyn bolady. Qazaqstan boıynsha kóp azamattar marapattaldy. Meniń ýákilderim jer-jerde ony tabystaıdy. Sizderge tabystaǵanym solardyń barlyǵyna birdeı tabystaǵanym bolyp sanalady», - dedi Elbasy.
