Elbasy ShYU Sammıtiniń qatysýshylaryna arnalǵan kontsertti tamashalady

ASTANA. QazAqparat - Memleket basshysy Shanhaı yntymaqtastyq uıymyna múshe memleketter basshylary keńesiniń otyrysyna qatysýshylarǵa arnalǵan kontsertke qatysty, dep habarlaıdy Aqordanyń baspasóz qyzmeti.

Kontsertte qazaqtyń halyq ánderi jáne ártúrli elderdiń áýenderi, sondaı-aq álemge áıgili klassıkalyq shyǵarmalar oryndaldy.

Sharaǵa ShYU-ǵa múshe memleketterdiń belgili shyǵarmashylyq ujymdary qatysty. Olardyń qatarynda, «Astana Opera» opera jáne balet teatrynyń sımfonııalyq orkestri, Abaı atyndaǵy Qazaq memlekettik akademııalyq opera jáne balet teatry men «Astana Balet» teatrynyń toptary, sondaı-aq M.Pıatnıtskıı atyndaǵy Memlekettik akademııalyq orys halyq hory (Reseı), «Nadam» bı ujymy (Úndistan), «Akak» qomyzshylar ansambli (Qyrǵyzstan), Chjetszıan provıntsııasynyń akrobattyq óner trýppasy men Qytaıdyń opera jáne bı memlekettik teatry, «Gúlrez» bı ansambli (Tájikstan), «Ózbekstan» án men bı memlekettik ansambli bar.