Elbasy Shymkenttegi kómekshi mektep-ınternatynyń tárbıelenýshilerin quttyqtady
Memleket basshysynyń alǵys haty men syılyǵyn qala ákimi Ǵabıdolla Ábdirahymov tárbıelenýshiler men ujymǵa arnaıy baryp tapsyrdy, dep habarlaıdy QazAqparat tilshisi.
Aıta keteıik, mektep-ınternatynda týabitti kemistigi bar 210 bala tárbıelenip jatyr. Erekshe kútim men oqytýdy qajet etetin balǵyndar munda qoǵamǵa beıimdelip, túrli ónerdi úırenedi. Atalǵan balalar úıiniń tárbıelenýshileri 1-jeltoqsan Tuńǵysh Prezıdent kúni qarsańynda Elbasy Nursultan Ábishuly Nazarbaevqa ujymdyq quttyqtaý men óz qoldarymen jasalǵan óner týyndylaryn joldaǵan bolatyn. Balalardyń haty men syılyǵyn qabyl alǵan Elbasy alǵysyn bildirip, ystyq lebizin jetkizdi.
Bul kúni qala basshysy sondaı-aq, №4-shi balalar úıiniń tárbıelenýshilerin de quttyqtaýǵa bardy. Ǵabıdolla Ábdirahymov 80 jetkinshekke arnaıy daıyndalǵan sporttyq kostıýmder jıyntyǵyn syıǵa tartty. Balalar daıyndaǵan kontserttik baǵdarlamany tamashalady.
Aıta keteıik, qazir №4 balalar úıinde 80 bala tárbıelenýde. Olardyń 26-sy tul jetim bolsa, 54-i ata-anasynyń qamqorlyǵynsyz qalǵan.